Jurgen Klopp ka kritikuar dhe një herë tjetër organizimin e Kupës së Botës në Katar. Tekniku gjerman shprehu përsëri pakënaqësitë e tij për organizimin e evenimentit në këtë moment, por kësaj rradhe i dha një mesazh tjetër medias, duke thënë se lojtarët dhe trajnerët nuk duhet të shtyhen për të dhënë mendimin e tyre mbi problematikat e Kupës së Botës në Katar. Shteti organizues është kritikuar për trajtimin e punëtorëve emigrantë dhe shkeljen e të drejtave të njeriut.
Klopp u shpreh:
“Mos e shtyni Gareth Southgate në një situatë ku duhet të japë mendim për gjithçka. Ai nuk është një politikan, ashtu siç as unë nuk jam. Ai ka një mendim (për Kupën e Botës), por nuk është politikan.”
Trajneri gjerman gjithashtu u pyet nëse vendimi për të organizuar Botërorin në Katar erdhi si dëshirë e fansave. Ai u përgjigj:
“Fansat? Jo, ishin politikanët e futbollit. Gazetarët duhej të kishin bërë më shumë. A mendoni se bëmë mjaftueshëm që në fillim? Tani ju (mediat) po shtyni krijoni një histori që ka ndodhur më parë, dhe po shtyni lojtarët duke u bërë presion me pyetje…Ka njerëz fantastikë, nuk po them se është e gjitha situatë e keqe, por ajo që ndodhi (organizimi në Katar) ishte gabim që në fillim.”
Klopp shtoi:
“Unë e shikoj nga këndvështrimi i lojës së futbollit, dhe nuk më pëlqen fakti se lojtarët herë pas here vihen në pozita për të dhënë një mesazh. Ju jeni të gjithë gazetarë, ju duhet të kishit dhënë një mesazh dhe nuk shkruajtët as artikullin më kritik për Katar 2022…”
Kapiteni i Anglisë, Harry Kane, dhe kapitenë të tjerë të ekipeve europiane do të mbajnë veshur shirita me mbishkrimin “One Love” gjatë ndeshjeve të Botërorit, për të promovuar diversitetin dhe gjithëpërfshirjen në futboll.
