Katar 2022 – Arabia Saudite shokon Argjentinën

Argjentina ka startuar në mënyrën më të keqe të mundshme botërorin e Katarit, teksa Leo Messi me shokë është mposhtur me rezultatin 2-1 nga modestët e Arabisë Saudite. Ajo që shihej si e pamundur përpara startit të takimit u bë realitet në pjesën e dytë të sfidës, kur arabët shënuan 2 gola të shpejtë brenda 6 minutave, duke bërë të pavlefshëm golin me penallti të Messi, në pjesën e parë.

Argjentinasit u munduan gjatë gjithë pjesës së mbetur të takimit për të gjetur golin e barazimit, por përpjekjet e tyre nuk patën rezultat. Triumfi u prit me ekzaltim nga fansat arabë, teksa Mbreti Salaman i Arabisë Saudite ka njoftuar për një ditë pushimi në nder të fitores së kombëtares, ndaj një prej përfaqësueseve më të forta në Katar.

Në përfundim të sfidës, Leo Messi komentoi rezultatin, duke thënë se asgjë nuk ka mbaruar për ekipin e tij:

“Kjo është një disfatë e rëndë, një humbje që dhemb, por duhet të vazhdojmë të kemi besim tek vetja jonë. Ky ekip nuk do të dorëzohet. Do të përpiqemi të mposhtim Meksikën. Kjo është koha që të rrimë të bashkuar, të kthehemi tek fitorja dhe të mos mendojmë për atë që ndodhi. E kemi thënë gjithmonë që do të mundohemi për të fituar çdo ndeshje, dhe tani duhet ta bëjmë më shumë se kurrë.”

Ndërkohë sipas gazetarit sportiv Guillem Balague, çelësi i performancës mbresëlënëse të Arabisë Saudite ishte organizimi mjaft i qartë dhe solid në mbrojtje. Balague u shpreh:

“Të mbrosh është gjithmonë më e lehtë sesa të sulmosh. Ata (Arabia) nuk kanë patur kohë të gjejnë një strategji kolektive për sulmin, që është gjëja më e vështirë në futboll, por kanë patur mjaftueshëm kohë për të organizuar një mbrojtje solide.”

Argjentina nuk mund t’i falë tashmë vetes një hap fals, teksa përballjet me Poloninë dhe Meksikën janë kyç për ecurinë e kombëtares në Katar.

Leave a Reply

Your email address will not be published. Required fields are marked *

New bookmakers
Ivibet
Ivibet

100% BONUS deri në 150 EUR mbi depozitën e parë!

Mozzart Bet
Mozzart Bet

100% BONUS deri në 100 EUR mbi depozitën e parë!

Evobet Sportsbook
Evobet Sportsbook

100% BONUS deri në 200 EUR mbi depozitën e parë!

Powbet Sportsbook
Powbet Sportsbook

100% BONUS deri në 100 EUR mbi depozitën e parë!