Presidenti i UEFA, Aleksander Ceferin, ka refuzuar idenë e organizmit të Kupës së Botës, 1 herë në 2 vjet, duke thënë se kjo gjë do të zbehte bukurinë e kompeticionit. FIFA është momentalisht duket ndërmarrë një studim, në lidhje me mundësinë për të zhvilluar Botërorin e meshkujve, dhe atë të femrave, çdo 2 vite, në ndryshim nga formula aktuale që është 1 herë në 4 vjet.
Propozimi ka ardhur nga Federata e Futbollit e Arabisë Saudite që në muajin maj, dhe duket se ideja tërhoqi që atëherë vëmendjen e organizatorëve të eventeve brenda FIFAs. Procesi i bisedimeve për këtë projekt është duke u drejtuar nga ish-trajneri i Arsenal, Arsene Wenger. Gjithsesi, Ceferin duket se nuk është fans i kësaj ideje, teksa deklaroi:
“Diamanti i Kupës së Botës e ka vlerën pikësisht tek fakti që është i rrallë. Organizimi 1 herë në 2 vjet do të sjellë më pak legjitimitet dhe fatkeqësisht, do të dobësojë vetë Kupën e Botës.”
Botërori është mbajtur 1 herë në 4 vjet që prej vitit 1930, me përjashtim të viteve 42’ dhe 46’, ku shkak i organizimit më të shpeshtë u bë lufta e dytë botërore. Ndërkohë, botërori i femrave është mbajtur çdo 4 vjet, që prej startimit të tij në 1991.
Ndërkohë mbi propozimin ka komentuar dhe trajneri i Anglisë, Gareth Southgate. Anglezi është shprehur mendjehapur për idetë e reja, por sipas tij kalendari futbollistik ka nevojë të rishikohet. Numri 1 i pankinës së “3 Luanëve” u shpreh:
“Mendoj se i gjithë kalendari ka nevojë për rishikim. Jam mendjehapur për disa nga propozimet, por duhet të rishikojmë kalendarin. Nuk mund të shtojmë gjëra të reja. Jam përgjithësisht dakord me konceptin e ndeshjeve më kualitative, më pak ndeshje, më shumë cilësi. Por, ka shumë gjëra të tjera që duhen marrë në konsideratë, dhe nuk mund të shtojmë më shumë ndeshje në këtë moment.”