Mbrojtësi i Liverpool, Virgil van Dijk, nuk ka pranuar akuzat e legjendës së United, Roy Keane, i cili akuzoi hollandezin se ishte treguar arrogant me komentet e tij, në përfundim të sfidës mes Liverpool dhe Manchester United në kampionat. Pas ndeshjes e cila u mbyll me rezultatin 0-0, Van Dijk u shpreh se “ishte vetëm një ekip në fushë që po përpiqej të fitonte takimin.” Ndërkohë, ish-mesfushori i Manchester United, Roy Keane, u shpreh se mbrojtësi po fliste me arrogancë.
Megjithatë, Virgil van Dijk ka reguar përsëri, për të sqaruar më tej situatën dhe komentet e tij. Shtatëlarti i Liverpool u shpreh:
“Mua më pëlqen Roy Keane, nëse ai ka thënë këtë gjë nuk është problem. Ai është një mbështetës i Manchester United dhe e kuptoj përse ka reguar në atë mënyrë, por e ndjeva atë që thashë dhe mendoj se nuk ka absolutisht aspak arrogancë tek ato fjalë. Të gjitha ata që panë ndeshjen me shumë mundësi janë ndierë njësoj.”
Van Dijk shtoi:
“Tani shohim përpara. Kishim mundësinë dhe nuk shënuam dot dhe kjo është pjesa frustruese. Mbase në disa raste u munduam t’i sforconim gjërat dhe mund të kishim marrë vendime më të mira, por ishte e vështirë të mposhtnim mbrojtjen e tyre. Shtyn, dhe vazhdon të shtysh përpara, por ishte një nga ato ditë që nuk mund të gjenim vendimin e duhur për të shënuar një gol…Ky është futbolli.”
Ndërkohë trajneri Jurgen Klopp gjithashtu u shpreh i sigurt për dominimin e ekipit të tij në sfidën në Anfield. Gjermani u shpreh se Liverpool ishte më dominant në këtë sfidë, edhe se në fitoren e tyre 7-0 ndaj United sezonin e kaluar. Tashmë “The Reds” e humbën shancin për t’u rikthyer në krye të renditjes së Premier League, teksa vendi i parë i përket për momentin Arsenal.