Drejtuesit e Manchester City duan të sjellin Jamal Musiala në Etihad, në merkaton e ardhshme të verës. Musiala është kthyer në një nga lojtarët më të rëndësishëm të Bayern Munich gjatë viteve të fundit, pavarësisht faktit se lojtari është vetëm 21 vjec. Gjermani, i cili është rritur në Angli, zotëron kualitete që trajneri Guardiola i adhuron në fushën e blertë.
Musiala shënoi një gol mjaft të rëndësishëm, që i dhuroi Bayern Munich titullin kampion në Bundesliga sezonin e kaluar, në ndeshjen e fundit. Pikërisht mentaliteti i talentit gjerman, në ndeshje ku presioni është i madh, e bëjnë atë akoma më perfekt për ekipin e drejtuar nga Guardiola. Nevoja për alternativa në mesfushë gjitashtu është shtuar, teksa De Bruyne ka vuajtur me dëmtimet gjatë këtij sezoni, ndërkohë që Mahrez dhe Gundogan u larguan në verë.
Kuptohet se Bayern Munich nuk dëshiron kurrsesi të humbasë një nga lojtarët e vet më të mirë dhe më premtues për të ardhmen. Por drejtuesit e City do të përgatisin një ofertë financiare shumë të vështirë për t’u refuzuar. Mediat angleze kanë bërë me dije se “qytetarët” janë të gatshëm të ofrojnë rreth 120 milionë paundë për Musiala. Kjo shifër do të thyente rekordin aktual të klubit për transferimin më të shtrenjtë, ai i Jack Grealish në verën e vitit 2021.
Guardiola është i gatshëm ta hedhë këtë hap, pasi është i bindur në kualitetin dhe atë që Musiala mund t’i ofrojë ekipit të tij në fushën e blertë. Jamal konsiderohet një nga dribluesit më të mirë në Europë kur vjen fjala tek hapësirat e ngushta. Kjo aftësi e gjermanit e bën atë mjaft atraktiv në sytë e Pep, duke qënë se kontrolli i topit dhe rrjedhimisht i lojës është një nga pikat më të rëndësishme në lojën e Manchester City.
Ndërkohë, ende nuk dihet nëse Musiala preferon një transferim në Premier League, apo do të vazhdojë karrierën e tij në Bundesliga me Bayern Munich.
