Phil Foden ka firmosur një kontratë të re me Manchester City. Mesfushori anglez do të jetë pjesë e “qytetarëve” deri në vitin 2027. Kontrata e tij e mëparshme skadonte vitin e ardhshëm dhe drejtuesit e City u treguan të kujdesshëm, për të mos komplikuar situatën me një nga lojtarët e tyre më të mirë.
Foden ka shënuar plot 52 gola në 182 ndeshje me ekipin anglez, një shifër kjo mjaft e lartë duke marrë parasysh se roli i tij primar nuk është ai i sulmuesit. Vet lojtari u shpreh mjaft i lumtur për rinovimin, duke shprehur dhe një herë tjetër besnikërinë e tij për City-n. Foden komentoi:
“Është e vështirë të përshkruaj me fjalë sesa i lumtur jam për firmosjen e kësaj kontrate. Është një ëndërr e bërë realitet. Kam qenë një fans i City gjithë jetën time. Jam stërvitur këtu për shumë vite dhe kam qënë edhe një djalosh që mblidhte topat. E dua shumë këtë klub, dhe kur e di se do të jem pjesë e tij deri në vitin 2027 është një ndjesi fantastike.”
Foden ka fituar plot 11 trofe me Manchester City, duke përfshirë këtu 4 trofe të Premier League, 4 kupa EFL si dhe FA Cup. Mesfushori anglez gjithashtu është vlerësuar me çmimin e lojtarit më të mirë të sezonit në Premier League.
Foden u shpreh se Pep Guardiola ka një meritë të madhe për zhvillimin e tij të shpejtë në vitet e fundit. Ai vlerësoi teknikun spanjoll dhe tha:
“Jam përmirësuar shumë në vitet e fundit dhe shumë prej kësaj është meritë e Pep dhe stafit të tij, që më udhëheqin çdo ditë në stërvitje. Të punuarit me ta më jep akoma më shumë shanse për t’u përmirësuar dhe për t’u shndërruar në lojtarin më të mirë që mund të jem.”
