Drejtuesit e Manchester United janë duke konsideruar një lëvizje në merkaton e janarit, për sulmuesin e talentuar të Bologna, Joshua Zirkzee. Anglezët janë duke menduar për përforcime në repartin e sulmit, teksa të besuarit e trajnerit Ten Hag e kanë patur mjaft të vështirë të konvertojnë në gol shancet e krijuara para portës këtë sezon. Thënë këtë, nevoja për një sulmues qendre është gjithnjë e më e madhe në Old Trafford.
Përpara lajmeve për Joshua Zirkzee, mediat gjermane raportuan se United ishte gjithashtu i interesuar për sulmuesin e Stuttgart, Serhou Guirassy. Ky i fundit ka shënuar plot 17 gola këtë sezon të Bundesliga. Megjithatë, duke se vëmendja e United është zhvendosur tashmë tek talenti hollandez i Bologna.
Vështirësia kryesore që United pritet të përballet në ndjekjen e Joshua Zirkzee është interesimi i Bayern Munich për lojtarin. Sulmuesi ishte fillimisht pjesë e ekipit gjerman, por vet Bayern e shiti kartonin e tij tek italianët. Megjithatë, bavarezët kanë ende opsionin e riblerjes, pasi ky detaj është parashikuar në klauzolën e hollandezit kur iu bashkua Bologna. Kartoni i Zirkzee vlerësohet momentalisht në shifrat e 30 milionë euro, dhe nuk do të ishte surprizë nëse Bayern do të vendoste të rikthente ish-lojtarin e vet në Allianz Arena.
Hollandezi ka qënë në formë ekselente këtë sezon për klubin e tij në Serie A, ku ka shënuar plot 17 gola. Newcastle United gjithashtu ka shprehur interesin e vet për sulmuesin, por për momentin, Manchester United duket më afër kartonit të tij.
Marcus Rashford ka dështuar të replikojë formën e tij fantastike nga sezoni i kaluar, dhe United ka vuajtur për të gjetur rrugën e rrjetës në shumë ndeshje. Megjithatë, ekipi i Ten Hag mori një fitore mjaft motivuese në Premier League së fundmi ndaj Aston Villa, me rezultatin 3-2 në shtëpi.
