Ajax i ka kërkuar Manchester Unietd 106 milionë paundë për shërbimet e Lisandro Martinez and Antony. “Djajtë e Kuq” kanë bërë ofertat e tyre financiare për secilin prej lojtarëve, dhe duket se Martinez dhe Antony janë dakord për një transferim në Old Trafford. Trajneri Erik ten Hag është një adhurues i të dyve, por klubi hollandez kërkon të përfitojë maksimalisht nga shitja e argjentinasit dhe brazilianit.
Sipas raportimeve të Record Sport, si Antony ashtu dhe Martinez kanë ushtruar presion drejt drejtuesëve të Ajax për të pranuar ofertën e Manchester United. Martinez, i cili aktivizohet si mbrojtës qëndror, është një lojtar mjaft fleksibël i cili mund të luajë dhe në pozicione të tjera si mbrojtës i majtë apo dhe si mesfushor difensiv. Erik ten Hag thuhet se po përdor lidhjet e tij personale për të bindur Martinez t’i bashkohet Manchester United. Lojtari është gjithashtu nën radarin e Arsenal, që është gati të bëjë ofertën e vet zyrtare.
Ten Hag e njeh mjaft mirë argjentinasin, duke qënë se ka shpenzuar 3 sezone me të tek Ajax. Mbrojtësi iu bashkua hollandezëve për 7 milionë euro nga skuadra e Defensa y Justicia. Antony nga ana tjetër është një sulmues mjaft i talentuar, i cili aktivizohet në krahun e djathtë. Ai iu bashkua Ajax në vitin 2020 nga skuadra e Sao Paulo
Në prag të ndeshjeve para-sezonale në Tailandë, “Djajtë e Kuq” kanë zyrtarizuar vetëm 1 afrim të ri për këtë vit. Bëhet fjalë për Tyrell Malacia të Feyenoord. Presioni për më shumë përforcime vetëm rritet nga ana e tifozëve, ndërkohë që drejtuesit e United duhet të menaxhojnë dhe kërkesën e Cristiano Ronaldo për t’u larguar. Portugezi është mbase lojtari më i vlefshëm i klubit dhe largimi i tij do të ishte padyshim një goditje e madhe për “Djajtë e Kuq”.
