Paraqitjet mbresëlënëse të Armando Brojës me Southampton kanë kapur vëmendjen e shumë klubeve angleze dhe jo vetëm. Mes tyre është dhe Arsenal, që mendon të bëjë një ofertë zyrtare për sulmuesin shqiptar në merkaton e verës.
Broja luan si i huazuar te Southampton dhe kartoni i tij zotërohet nga londinezët e Chelesa. Trajneri i Arsenal, Mikel Arteta, kërkon të përforcojë ekipin e tij me një sulmues, teksa humbi shansin për ta bërë këtë gjë në merkaton e janarit. Objektivi i “topçinjve” ishte Dusan Vlahovic, por ky i fundit zgjodhi t’i bashkohej Juventus. Pierre-Emerick Aubameyang ndërkohë u largua drejt Barcelonës, ndërsa Alexandre Lacazette dhe Eddie Nketiah spekullohet se mund të largohen në fund të sezonit.
Broja duket një opsion mjaft premtues teksa 20 vjeçari ka shënuar 7 gola në të gjitha kompeticionet gjatë këtij sezoni. Raportimet në Angli bëjnë me dije se Mikel Artea është një fans i madh i shqiptarit, dhe kjo padyshim që ka shumë rëndësi në rast se Arsenal vendos të futet në garë për sulmuesin.
Tani për tani, është Gabriel Martinelli i cili po aktivizohet si sulmues qëndre në formacionin e londinezëve. Pavarësisht se ky nuk është pozicioni i tij natyral, paraqitjet kanë qënë mjaft pozitive dhe trajneri Arteta mund të vazhdojë ta aktivizojë në të njejtin pozicion 20 vjeçarin.
Martinelli pranoi në një intervistë së fundmi se dëshiron të mbajë veshur fanellën me numrin 14 te Arsenal. Ky numër u bë i famshëm nga legjenda e Arsenal, Thierry Henry. Jack Wilshere gjithashtu është i mendimit se Martinelli duhet të jetë sulmuesi i ri i qëndrës tek ekipi londinez. Në një intervistë të fundit për median zyrtare të Arsenal, mesfushori u shpreh se ajo që trajneri Arteta ka bërë është gjeniale dhe Martinelli ka zhvilluar paraqitje fantastike në pozicionin e tij të ri.