Sipas raportimeve të Mundo Deportivo në Spanjë, Barcelona është e gatshme t’i shesë Manchester United kartonin e Frenkie De Jong, anglezët përmbushin kërkesat e katalanasve. Pavarësisht faktit se hollandezi ka qënë vazhdimisht titullar nën drejtimin e trajnerit Xavi, lojtari është linkuar gjithmonë me një lëvizje drejt Old Trafford. Këto thashetheme mbështeten tashmë dhe nga fakti se De Jong është i prirur të ribashkohet me trajnerin e tij të vjetër tek Ajax, Erik ten Hag, i cili do të marrë drejtimin e “Djajëve të Kuq” sezonin e ardhshëm.
Një nga arsyet kryesore se përse Barcelona mund të heqë dorë nga mesfushori janë dhe problemet financiare. Klubi spanjoll i pagoi plot 65.3 milionë paundë skuadrës së Ajax për shërbimet e lojtarit në vitin 2020. Drejtuesit e United ndërkohë thuhet se janë të gatshëm të paguajnë deri në 65 milionë paundë për shërbimet e De Jong. Kjo do të thotë se Barça mund të shlyejë totalisht koston fillestare për afrimin e talentit në Camp Nou.
Një tjetër arsye potenciale se përse Barcelona mund të heqë dorë nga De Jong janë dhe objektivat mjaft ambiciozë që klubi katalanas ka për merkaton e verës. Spanjollët kërkojnë të sjellin Robert Lewandowski ose Frenkie De JongBernardo Silva në ekip. Një operacion i tillë do të ishte mjaft i kushtueshëm për presidentin Laporta. Duke marrë parasysh këtë gjë, largimet duken të pashmangshme.
Lewandowski po i afrohet vitit të fundit të kontratës me Bayern, dhe duke qënë se bomberi polak ka shprehur dëshirën për t’u larguar, kjo i jep Barcelonës më shumë mundësi për të sjellë sulmuesin në Camp Nou. Ndërkohë Bernardo Silva është një objektiv më i vështirë. Portugezi është një titullar tek Manchester City i Pep Guardiolës dhe një lëvizje drejt Spanjës mund të konsiderohet pa frikë një hap pas në karrierën e mesfushorit.