Barcelona është duke përgatitur një ofertë zyrtare për bomberin e Dortmund, Erling Haaland. Drejtuesit e klubit katalanas besojnë fort se kanë shanse reale për të afruar norvegjezin në merkaton e ardhshme verore, por kjo gjë do të varet nga konkurrenca.
Sipas raportimeve, numrat e marrëveshjes janë tashmë të qarta, me Barcelonën e gatshme të paguajë një tarifë prej 70 milionë eurosh, plus komision dhe pagë. Pra, gjithçka do të varet nga niveli i pagës javore që do të përfitojë sulmuesi, por në të njejtën kohë, dhe nga projekti sportiv. Klubet që kërkojnë kartonin e Haaland janë të shumtë, por Barça është veçanërisht e shqetësuar për njërin prej tyre, Paris Saint-Germain.
Francezët ende nuk duken të përfshirë në ndjekjen e sulmesit të Dortmund. Por gjërat mund të ndryshojnë në verë, dhe kjo varet nga Kylian Mbappe. Klubi francez është ende duke punuar për rinovimin me superstarin, për të shmangur largimin e tij drejt Real Madrid. Në javët e fundit, parizienët i kanë ofruar disa marrëveshje Mbappe, por sulmuesi i kombëtares franceze duket se e ka ndarë mendjen për t’u larguar. Dhe në qoftë se ky skenar bëhet realitet, PSG do të duhet të gjejë një alternativë, dhe Haaland është opsioni më tërheqës.
Megjithëse klubi francez zotëron në këtë moment, asete financiare shumë më të mira se Barcelona, ata ende nuk janë aktivë në garë. Kjo dhe për shkak se skuadra është e mbushur plot me yje të kalibrit të lartë në repartin ofensiv. Agjenti i Haaland, Mino Raiola, nuk e përmendi klubin francez në takimin që pati me drejtuesit e Barcelonës, por kjo mund të ndryshojë. Ndërkohë Manchester City gjithashtu dëshiron të nënshkruajë me norvegjezin. Por Pep Guardiola nuk dëshiron që afrimi i Haaland nga Dortmund, të shkaktojë ndryshime në strukturën e pagave, tek lojtarët e tij.
