Robert Lewandowski nuk është i pazëvëndësueshëm tek Bayern Munich. Ky është lajmi që ka bërë të ditur prestigjozja Marca, e cila pretendon se gjigandët gjermanë, mund të shesin kartonin e bomberit në fund të sezonit, nëse ai nuk pranon një rinovim kontrate. Bavarezët kanë një politikë të veçantë për të gjithë lojtarët mbi 30 vjeç. Këtyre të fundit, u ofrohet një rinovim kontrate për 1 vit.
Marrëveshja aktuale e sulmuesit polak me klubin, skadon në qershor të vitit të ardhshëm. Por drejtuesit e Bayern, duhet të mendojë për të shmangur një skenar të mundshëm, ku futbollisti largohet me kosto zero nga ekipi. Sipas Bild, Bayern po mendon të bëjë një përjashtim përsa i përket propozimit për Lewandowski. Fillimisht atij do t’i ofrohet e njejta marrëveshje që i ofrohet të gjithë lojtarëve mbi 30 vjeç. Por polaku gjithashtu do të ketë opsionin për të firmosur për 2 vite të tjera, nëse pranon një ulje page.
Sulmuesi është tashmë 33 vjeç, por pavarësisht moshës, ka ngjallur vazhdimisht interesin e klubeve “big” të Europës, të cilat janë të gatshme të paguajnë shuma të konsiderueshme për kartonin e tij. Drejtuesit e klubit i vlerësojnë shërbimet e Lewandowski në shifrën e 50 milionë eurove.
Por çfarë mendon vet lotjari për të ardhmen e tij? Gjatë mbrëmjes gala “The Best” të FIFA, polaku shmangu komentet e drejtëpërdrejta mbi këtë temë. Gjithsesi, ai u duk i hapur për një largim të mundshëm, pasi nuk përjashtoi asnjë skenar. Lewa tha:
“Kur tregon performanca të mira në fushë, nuk ka rëndësi nëse luan për skuadrën A, B, apo C. Nuk mund të mendoj shumë për spekulimet mbi klubet e tjera apo kontratën time. Në fund të ditës duhet të jem i fokusuar dhe të bëj më të mirën time. Kjo është ajo që kam gjithmonë prioritet në mendje”