Londinezët e Chelsea janë gati të paguajnë shifrën prej 42 milionë paundësh, për transferimin në Stamford Bridge, të talentit Gavi nga Barcelona. Sipas raportimeve, anglezët po mundohen të joshin 17 vjeçarin që të lërë Camp Nou, dhe të nisë një aventurë të re në Premier League.
Presidenti i Chelsea, Roman Abramovich, mendohet të jetë një fans i madh i talentit të Barcelonës, dhe e sheh atë si superstarin e së ardhmes në futboll. Për këtë arsye, Abramovich kërkon që t’i rrëmbejë Barcelonës lojtarin, përpara se ai të nënshkruajë një kontratë të re afatgjatë me klubin.
Kontrata momentale e Gavit me katalanasit skadon në verën 2023-shit, dhe spanjollët janë të prirur t’i ofrojnë mundësinë për rinovim futbollistit. Momentalisht klauzola e prishjes së kontratës për lojtarin është në shifrat e 42 milionë paundëve, shumë kjo mëse e përballueshme për Chelsea. Por shumë shpejt Barcelona mund të ndjekë të njejtën strategji si me Ansu Fatin dhe Pedrin. Klubi spanjoll ka vendosur një klauzolë prej 840 milionë eurosh për këta të fundit, si metodë për të parandaluar një largim të mundshëm të tyre.
Besohet se mbrojtësi Gerard Pique insiston që Gavi dhe Pedri të qëndrojnë në ekip, pasi spanjolli lidh figurat e tyre me Xavin and Andres Iniestan. Pedri sipas të gjitha gjasave do të pranojë një kontratë të re me klubin, deri në vitin 2026.
Ndërkohë Barcelona rrezikon të humbasë një tjetër lojtar, dhe bëhet fjalë për Frenkie de Jong. Manchester City është gati të ofrojë 75 milionë euro për shërbimet e hollandezit, dhe klubi spanjoll është i prirur të pranojë ofertën. Më parë u përfol dhe për një shkëmbim të mundshëm mes De Jong dhe Sterling, por duke u nisur nga situata e vështirë financiare e katalanasve, këta të fundit janë më të prirur të pranojnë një ofertë financiare.
