Drejtuesit e Chelsea kanë filluar të mendojnë për alternativa të tjera në mbrojtje, duke qënë se transferimi i Jules Kounde ka mbetur pezull. Blutë e Londrës kanë rënë dakord për t’i paguar Sevilla shumën e kërkuar prej 55 milionë paundëve, teksa francezi gjithashtu ka pranuar termat personalë të kontratës. Por interesimi serioz i Barcelonës, gjatë këtyre ditëve, duket se ka ndalur zyrtarizimin e lëvizjes.
Mësohet se Barcelona është në kontakt të vazhdueshëm me Kounde, dhe ky i fundit është i prirur të dëgjojë të dyja ofertat përpara se të marrë një vendim përfundimtar. Kjo ka bërë që trajneri Tuchel të kërkojë opsione të tjera, në rastin e skenarit më të keq. Mes emrave që kanë kapur vëmendjen e drejtuesëve londinezë janë Pau Torres i Villarreal, Skriniar i Inter, Josko Gvaridol i Leipzig si dhe dyshja e Bayern Munich, Dayot Upamecano dhe Benjamin Pavard.
Blutë e Londrës gjithashtu kanë kontaktuar Leipzig për transferimin e mundshëm të Nordi Mukiele. Megjithatë, ky i fundit ka pranuar termat personalë të kontratës me PSG, dhe pritet të finalizojë shumë shpejt lëvizjen drejt Parc des Princes.
E rëndësishme për t’u thënë është fakti se Chelsea ende nuk është dorëzuar nga objektivi kryesor, Kounde. Marrëveshja mes lojtarit të Sevilla dhe klubit anglez është ende në tavolinë dhe tek Chelsea ka shpresë se Barcelona nuk do të jetë në gjendje të vijë me një ofertë më të mirë ekonomike. Mbrojtësi ndërkohë vazhdon të ndjekë seancat stërvitore individuale me Sevilla-n, në mënyrë të rregullt.
Klubi spanjoll ndodhet momentalisht në Lisbon të Portugalisë, teksa po përgatitet për sezonin e ri. Kounde ndërkohë është duke u rikuperuar nga një dëmtim i lehtë, që kërkonte ndërhyrje kirurgjikale. Kjo është dhe arsyeja kryesore se përse mbrojtësi francez vazhdon të stërvitet në mënyrë të vecuar nga grupi.
