Sipas raportimit të prestigjozes 90min, Chelsea dhe Manchester United janë duke monitoruar situatën e Jamie Vardy tek Leicester City. Kontrata aktuale e sulmuesit me klubin skadon vitin e ardhshëm, dhe megjithëse ende nuk ka asgjë konkrete, shumë klube në Premier League janë duke ndjekur nga afër situatën e Vardy tek “Dhelprat”.
Leicester duhet të shesë disa lojtarë për të siguruar fondet për afrime të reja, si dhe për të qënë në drejtimin e duhur me rregullat e UEFA përsa i përket “fair-play” financiar. Portieri Kasper Schmeichel është larguar drejt Nice në Francë, një lëvizje që ka surprizuar jo pak tifozët e klubit. Në lidhje me këtë transferim ka reaguar dhe vet presidenti i klubit me një deklaratë zyrtare. Ai tha:
“Gjatë kohës me ne, dhe sidomos gjatë periudhës si kapiten dhe zëvëndës-kapiten, Kasper ka qënë gjithmonë një lojtar i gatshëm të marrë përgjegjësi dhe të drejtojë skuadrën. Influenca dhe lidershipi i tij, brenda dhe jashtë fushe, tregojnë shumë për të si një futbollist profesionist, por dhe si njeri.”
Në të njejtën kohë, Wesley Fofana dhe James Maddison gjithashtu po përfliten për një largim të mundshëm nga “dhelprat”.
Duke marrë parasysh këto, ende nuk është e qartë se sa interes ka realisht Leicester, që të heqë dorë dhe prej gjigandit të tyre në sulm. Përpara disa muajsh, trajneri i skuadrës, Brendan Rodgers, tha se klubi do të gjykojë mbi të ardhmen e Vardy gjatë verës, dhe duket se ky moment ka ardhur. Rodgers deklaroi atëherë:
“Me shumë siguri ka patur disa bisedime prapa dyerve, por në këtë moment jemi mjaft të qetë. Ai është shumë i lumtur këtu. Jam i sigurt se do ta anailzojmë situatën në verë…”
Megjithatë, për momentin as Chelsea dhe as Manchester United nuk kanë konkretizuar një ofertë për shërbimet e asit të Leicester City.
