Manchester United ka shfaqur interes konkret për sulmuesin danez të Atalanta, Rasmus Højlund. Ky i fundit është një tifoz i vetëshpallur i “Djajëve të Kuq” dhe ëndërron të luajë në Old Trafford. Sulmuesi realizoi një tripletë spektakolare në fitoren e Danimarkës përballë Finlandës, dhe kjo ka tërhequr akoma më shumë vëmendjen e drejtuesëve të United.
Sipas Ekstra Bladet, në Manchester janë të bindur se Højlund ka “instiktin vrasës” përpara portës dhe performancat e tij nuk kanë shkuar pa tërhequr vëmendje. Sipas të gjitha gjasave, lojtari do të jetë nën shënjestrën e disa klubeve europiane në merkaton e verës. Kartoni i tij vlerësohet në shifrat e 23-31 milionë paundëve.
United ka shfaqur iteres për Rasmus Højlund, që në janar, dhe ishte vet lojtari që asokohe komentoi situatën, duke shprehur simpatinë e tij për klubin legjendar. Danezi u shpreh:
“Tani që më pyesni, nuk do të fsheh faktin se jam një fans i madh i Manchester United. Kështu që personalisht do të ishte një nga arritjet më të mëdha (transferimi tek United) për mua. Por sigurisht, kjo nuk do të thotë se do të refuzoj klubet të tjera të mëdha, nëse ofertat vijnë në një pikë të caktuar.”
Trajneri Ten Hag kërkon të përforcojë ekipin e tij me opsione në sulm dhe megjithëse Højlund nuk është një superstar, talenti 20 vjeçar ka padyshim potencialin të shndërrohet në një të tillë në Old Trafford. Kujtojmë se danezi iu bashkua Atalantës nga ekipi i Sturm Graz sezonin e kaluar dhe është kthyer në një titullar tek klubi i tij.
Pavarësisht se ende nuk ka pasur takime mes përfaqësuesëve të United dhe lojtarit, interesi i “Djajëve të Kuq” mbetet mjaft konkret. Anglezët do të kenë konkurrencë nga klubet italiane, të cilat gjithashtu pritet të hidhen në aksion për kartonin e Højlund.