Ekipi i Newcastle është i interesuar në shërbimet e Pierre-Emerick Aubameyang, dhe po kërkon mundësinë e një marrëveshjeje në formë huazimi. Të ashtuquajturit “Magpies” kanë kontaktuar “Topçinjtë” për të biseduar mbi kartonin e 32 vjeçarit.
Sipas raportimeve të “Mirror” në Angli, Newcastle kërkon një sulmues të provuar në Premier League, dhe që do të ndihmojë ekipin të shmangë rënien nga kategoria, që është dhe qëllimi i vetëm i skuadrës këtë sezon. Ndërkohë është zbuluar se Newcastle gjithashtu preferon që të ketë mundësinë e blerjes përfundimtare të kartonit të futbollistit, për shifrat e 20 milionë paundëve, në fund të sezonit.
Duke pare zhvillimet e fundit te Arsenal, duket se Aubameyang i ka ditët e numëruara tek londinezët. Sulmuesit iu hoq shiriti i kapitenit nga trajneri Mikel Arteta, pas një shkelje të kodit disiplinor. Lojtari që aktivizohet dhe me kombëtaren e Gabonit, nuk është aktivizuar më me Arsenal që prej dates 6 dhjetor, në humbjen 2-1 ndaj Everton.
Momentalisht, Aubameyang është grumbulluar nga kombëtarja e tij për kompeticionin e “Africa Cup of Nations”. Arteta i dha leje lojtarit të largohej më përpara nga klubi, duke qënë se shanset që ai të aktivizohej si titullar në përballjen me Manchester City ishin gati zero. Për shumë gazetarë sportivë, meraktoja e janarit është kyç për Newcastle përsa i përket shanseve të mbijetesës në Premier League. Dy lojtarë mjaft të rëndësishëm të ekipit, Callum Wilson dhe Allan Saint-Maximin u dëmtuan në barazimin me Manchester United. Kjo gjë shton akoma më shumë nevojën e një sulmuesi të cilit trajneri Eddie Howe mund t’i besojë.
Ky i fundit u pyet për objektivat e Newcastle, këtë merkato janari. Howe u përgjigj:
“Duhet të presim, në këtë moment nuk mund t’ju premtoj asgjë. Janari është një periudhë mjaft e vështirë për të bërë plane, pasi çdo gjë ndryshon kaq shpejt.”
