Sipas raportimeve të fundit, francezët e Paris St-Germain kanë kontaktuar trajnerin e Tottenham, Antonio Conte, për një transferim të mundshëm në verë. Në fund të sezonit, tekniku italian mund të largohet nga Londra duke qënë se klauzola për prishjen e kontratës së tij hyn në fuqi.
Trajneri firmosi një kontratë 18 mujore me Tottenham Hotspur në nëntorin e vitit të kaluar, por gjërat nuk kanë qënë të lehta për Conte në drejtimin e londinezëve. Vet tekniku ka thënë se do të diskutojë të ardhmen e tij me drejtuesit e klubit në fund të sezonit. Conte gjithashtu komentoi mbi lojtarët dhe progresin e përgjithshëm të skuadrës:
“Lojtarët kanë filluar të punojnë dhe në opinionin tim po përmirësohemi shumë. Sigurisht, në të ardhmen duhet të ndërmarrim hapa të tjerë të rëndësishëm dhe të kemi ambicie për t’u bërë më të fortë. Jam i përkushtuar ndaj këtij klubi dhe për 1 vit dhe drejtuesit duan të njejtën gjë. E pranova pasi mendova se ishte gjëja e duhur të njihnim më mirë njëri-tjetrin. Pas 4 muajsh tek Tottenham, mendoj se klubi e kuptoi mënyrën sesi unë punoj. Në fund të sezonit do të vazhdojmë të përmirësojmë këto njohuri me njëri-tjetrin dhe më pas do të gjejmë zgjidhjen më të mirë për të gjithë.”
Megjithëse Conte nuk e ka përjashtuar asnjëherë largimin, ai tha se i pëlqen të punojë për Tottenham dhe se dëshiron që të luftojë për trofe të rëndësishëm me klubin. Por oferta e PSG është mjaft tunduese.
Francezët me shumë mundësi do të ndërpresin marrëdhënien me Mauricio Pochettinon në fund të sezonit, pas dështimit në Champions League. Max Allegri dhe Zinedine Zidane janë gjithashtu 2 emra të linkuar për stolin e parizienëve, por momentalisht Antonio Conte duket se është i preferuari i drejtuesëve të PSG.
