Merkato – PSG kërkon të rinovojë kontratën me Lionel Messin

Presidenti i Paris Saint-Germain, Nasser Al-Khelaifi, ka thënë se klubi francez do të hyjë në bisedime me Lionel Messin për një rinovim të mundshëm kontrate. Al-Khelaifi e ka cilësuar Messin si lojtarin më të mirë në Kupën e Botës, pas triumfit historik të Argjentinës në Katar.

Finalja ishte një moment mjaft i rëndësishëm dhe për PSG, teksa Messi ngriti lart trofeun, por Mbappe gjithashtu zhvilloi një paraqitje fantastike, duke marrë dhe titullin e “Këpucës së Artë.” Presidenti Nasser Al-Khelaifi ka komentuar mbi të ardhmen e Messi, duke qënë se kontrata e argjentinasit në Parc des Princes skadon në verë. Marrëveshja aktuale ka të parashikuar dhe mundësinë e rinovimit për një vit shtesë, dhe sipas gjasave kjo do të jetë oferta e parizienëve për “pleshtin”.

Presidenti i PSG u shpreh pas finales:

“Të mbajmë Mbappe dhe Messin në ekip?

Sigurisht, njëri është golashënuesi më i mirë (i botërorit) dhe tjetri është lojtari më i mirë në Kupën e Botës.”

Messi

Al-Khelaifi

Gjithsesi, rinovimi me Messin nuk do të jetë një mision i lehtë. Pas triumfit në Kupën e Botës zërat për një transferim në MLS vitin e ardhshëm janë shtuar. Argjentinasi është linkuar disa herë me një lëvizje drejt Inter Miami, teksa prestigjozja Sportsmail raportoi në nëntor se një një marrëveshje mes palëve është shumë afër. David Beckham mendohet se po luan një rol kyç në negociatat mes PSG dhe klubit amerikan. Messi ndërkohë thuhet se është i gatshëm të pranojë një ulje rroge për të luajtur në Florida.

Argjentinasi mendohet se fiton momentalisht plot 1.2 milionë paundë në javë në Paris, një shifër kjo mjaft e lartë dhe e papërballueshme për Inter Miami. Gjithsesi, shumë gjëra do të ndryshojnë deri në fund të sezonit, dhe Messi do të ketë kohë mjaftueshëm për të analizuar opsionet që ka në tavolinë.