Forma mjaft e mirë që Kieran Tierney ka shfaqur në ndeshjet e fundit me Arsenal, ka kapur vëmendjen e Real Madrid, që mund të vijë shumë shpejt me një ofertë zyrtare për mbrojtësin. Lojtari shënoi golin e tij të parë me kombëtaren skoceze, në barazimin 1-1 përballë Polonisë.
Trajneri Carlo Ancellotti është prej shumë kohësh një “adhurues” i Tierney. Gjatë kohës që tekniku italian ishte në drejtimin e Napoli, ai u përpoq të sillte në Itali mbrojtësin. Megjithatë, napoletanët humbën garën për kartonin e tij me Arsenal, dhe londinezët sollën Tierney në Emirates, për shifrën e 25 milionë paundëve.
Por dihet se Real Madrid ka më shumë resurse në dispozicion për të sjellë Tierney në Spanjë, dhe kjo ka ringjallur interesin e Ancelottit. Kjo gjë është konfirmuar nga agjenti i klubit madrilen, Juni Calafat, i cili po monitoron me vëmendje performancat e skocezit. Përveç Tierney, Calafat ka ndjekur dhe Bukayo Saka, një nga talentet e reja më premtuese të Arsenal.
Në lidhje me mbrojtësin e majtë, Arsenal nuk pritet të bëjë rezistencë nëse madrilenët vijnë me propozimin e duhur. Por drejtuesit e Real e dinë se në qoftë se ofrojnë një shifër më të ulët se ç’duhet, kjo mund t’i hapë derën ekipeve të tjera për të bërë një ofertë për lojtarin. Raportimet bëjnë me dije se Barcelona është gjithashtu e interesuar për Tierney.
Ish-futbollisti skocez, Pat Nevin, është i bindur në aftësitë e lojtarit të Arsenal. Ai ka qënë një adhurues i Tierney, që prej kohës kur mbrojtësi aktivizohej me Celtic. Nevin deklaroi për mediat:
“Kieran është linkuar me një lëvizje drejt Real Madrid dhe jam i bindur që ai nuk do të ketë asnjë problem për t’u përshtatur atje. Ai është një lojtar shumë i mirë, që mund t’i bashkohet çdo klubi në botë dhe të fillojë të luajë.”
