Sipas raportimeve më të fundit të merkatos, Real Madrid i ka dhënë një afat kohor PSG, për të vendosur mbi fatin e Kylian Mbappe. Spanjollët presin një përgjigje brenda orëve në vijim, dhe thuhet se nuk do të paguajnë më shumë se 190 milionë euro për 22 vjeçarin. Florentino Pérez ka vendosur kështu limitin e tij financiar, ndërkohë që nga ana e francezëve ende nuk ka asnjë shenjë nëse do të pranojnë apo jo ofertën.
Ndërkohë nga Anglia, Manchester United duket se nuk ka ndërmend të ndalet në këtë merkato. Pas afrimit spektakolar të Cristiano Ronaldo, “Djajtë e Kuq” i kanë sytë nga Kieran Trippier i Atletico Madrid. Mbrojtësi i djathtë i përfaqësueses angleze është gjithashtu nën shënjestrën e Arsenal, por United po udhëheq garën për transferimin e tij, sipas mediave angleze.
Pavarësisht kësaj, kërkesat financiare të Atletico Madrid janë të larta, dhe kjo gjë mund të ndikojë te marrëveshja e mundshme. Spanjollët kërkojnë plot 40 milionë euro për lojtarin, ndërkohë që anglezët e konsiderojnë të lartë këtë shifër. Këta të fundit do të kenë këtë sezon dhe shërbimet e Diogo Dalot, një tjetër mbrojtësi, që sipas gazetarit Fabrizio Romano, do të qëndrojë me “Djajtë e Kuq”. Kjo gjë e bën transferimin e Trippier më pak të nevojshëm për skuadrën e Solskjaer.
Ndër zhvillime të tjera, Borussia Dortmund tek Hudson-Odoi i Chelsea. Gjermanët po kërkojnë mundësinë e një huazimi, por londinezët duken hezitues. Trajneri Thomas Tuchel dëshiron që lojtari të jetë në skuadrën e tij këtë sezon, pavarësisht se që prej ardhjes së tij në krye të pankinës së Chelsea, Odoi ka patur vështirësi për të gjetur hapësira në formacion.
Mbase Tuchel i ka premtuar më shumë minuta këtë sezon lojtarit, por, pavarësisht nëse kjo ka ndodhur apo jo, duket se Borussia Dortmund do të përballet me rezistencë për të arritur këtë objektiv.
