Deri në mbyllje të kësaj meraktoje, duke se Gabriel Jesus do të jetë objekt i një lufte të ashpër mes Arsenal dhe Tottenham. Sulmuesi i Manchester City është prioriteti numër 1 i Mikel Artetës, dhe është përfolur prej kohësh tashmë për një lëvizje drejt Emirates. Tekniku spanjoll kërkon të mbushë boshllëkun e lënë në skuadër nga largimi i Alexandre Lacazette dhe Pierre-Emerick Aubameyang.
Por Antonio Conte i Tottenham ka vendosur “t’i prishë planet” Arsenal, duke i ofruar një vend titullari Jesus në ekipin e tij. Avantazhi i madh i spursave në garën për kartonin e Jesus është fakti se ekipi i Conte do të luajë në Champions League sezonin e ardhshëm, ndryshe nga Arsenal. Sulmuesi brazilian që ka shënuar 95 gola gjithsej për Manchester City është mësuar tashmë me të luajturit në nivelin më të lartë europian, dhe Europa League do të ishte një hap prapa në karrierën e tij.
Conte është mjaft i impersionuar me aftësinë e Jesus për të luajtur si në krah, ashtu dhe në qëndër. Braziliani ndërkohë kërkon të aktivizohet si titullar, gjë që i ka munguar për pjesën më të madhe të qëndrimit te City. Megjithatë, Jesus ende nuk ka shprehur një dëshirë konkrete mbi destinacionin e tij të rradhës. I pyetur nga ESPN Brazil, ai deklaroi së fundmi:
“Në lidhje me të ardhmen time, është ende e paqartë. Kam një kontratë me City dhe i kam shprehur dëshirën time drejtuesëve të klubit dhe agjentit tim. Në kokën time kam një ide shumë të qartë të asaj që dua.”
Mikel Arteta ndërkohë është shfaqur pozitiv për sezonin e ardhshëm, duke thënë se Arsenal ka burime të kufizuara, por të qarta. Spanjolli refuzoi të komentonte në mënyrë direkte mbi transferimin e Jesus, por la të kuptohet se Arsenal është më afër nënshkrimit me talentin e City.