Drejtuesit e Chelsea janë duke monitoruar dy lojtarë mjaft premtues të Palmeiras në kampionatin brazilian. Bëhet fjalë për Estevao dhe Luis Guilherme, dhe sipas mediave angleze, përfaqësues të Chelsea janë tashmë në bisedime për të siguruar një transfertë të dyfishtë, pasi lojtarët të mbushin 18 vjec.
Klubi anglez ka qënë vazhdimisht në ndjekje të talenteve në Amerikën Latine, dhe duket se kjo do të vijojë të jetë strategjia e bluve të Londrës dhe në të ardhmen. Dy lojtarë mjaft premtues i janë bashkuar tashmë Chelsea, bëhet fjalë për Andrey Santos dhe Angelo. Në të njejtën kohë, talenti 16 vjecar i Independiente del Valle, Kendry Paez, do të nisë karrierën e tij në Stamford Bridge duke nisur nga viti 2025.
Estevao është një talent i ngjashëm, që ka ngjallur interesin e disa klubeve madhore europiane me paraqitjet e tij. Arsenal, Manchester City, por dhe Manchester United janë të gjithë duke monitoruar situatën, por mediat në Angli bëjnë të ditur se Chelsea është më i avantazhuar për të siguruar firmën e lojtarit.
Vet Estevao para disa kohësh ka bërë të ditur se në Europë, klubi i tij i ëndrrave është Barcelona, por talenti është sigurisht i hapur ndaj mundësive. Para disa kohësh, ai shprehu dhe një herë tjetër dëshirën e tij për të luajtur futboll në Europë:
“Jam shumë i qetë, mendja ime është e fokusuar tek Palmeiras. Dua të bëj më të mirën dhe të ndërtoj historinë time këtu. Më pas, me lejen e zotit mund të udhëtoj jashtë…”
Ndërkohë, Paris Saint-Germain gjithashtu mund të përfshihet në lojë, teksa francezët janë gjithashtu në kërkim të talenteve premtues në Amerikën Latine. Parizienët nuk ia dolën dot të sigurojnë firmën e talentit brazilian Endrick vitin e kaluar. Ky i fundit lidhi një kontratë me Real Madrid, dhe pritet t’i bashkohet klubit spanjoll sezonin e ardhshëm.
