Paris-Saint Germain po monitoron Marcus Rashford, si zëvëndësuesin e mundshëm të Kylian Mbappe, i cili pritet të largohet në fund të sezonit. Gjigandët francezë janë duke përgatitur një ofertë prej 80 milionë paundësh, në shpresën për të bindur drejtuesit e United që të heqin dorë prej sulmuesit anglez. Megjithatë, transferimi do të jetë mjaft i vështirë për t’u realizuar, duke marrë parasysh disa faktorë.
Fillimisht, Rashford firmosi një kontratë të re me Manchester United verën e kaluar. Sipas kësaj kontrate, sulmuesi do të jetë pjesë e “Djajëve të Kuq” deri në vitin 2027. Momentalisht Rashford përfiton rreth 350 mijë paundë në javë. Për më shumë, lojtari konsiderohet si një nga figurat e rëndësishme në Old Trafford.
Megjithatë, drejtuesit e Paris-Saint Germain kanë arsyet e tyre për të besuar se operacioni mund të realizohet me sukses. Një ndër to është forma e Rashford këtë sezon. Sulmuesi ka shënuar vetëm 7 gola në Premier League dhe gjithashtu nuk ka kontribuar në raste të tjera për shënim, të shokëve të skuadrës. Për më shumë, Rashford ka pasur telashe dhe jashtë fushës, teksa para disa javësh u pikas duke konsumuar alkool në një klub nate. Kjo shkaktoi probleme mes tij dhe trajnerit Ten Hag, dhe bëri që sulmuesi të përjashtohej nga një seancë stërvitore, si dhe të humbiste sfidën në FA Cup ndaj Newport.
Ndërkohë, spekullimet për largimin e tij në fund të sezonit kanë qënë prezente, që para interesimit të PSG për anglezin. Kjo nisur dhe nga blerja e 25% të aksioneve të Manchester United, nga Sir Jim Ratcliffe, dhe planet për ndryshime të mëdha në strukturën e klubit. Klubi nga Parisi gjithashtu ka avantazhin financiar, pasi mund t’i ofrojë Rashford një pagë javore prej më shumë se 500 mijë paundësh në javë. Kjo mund të tentojë personalisht sulmuesin, për të shtyrë para transferimin.
