Casemiro ka deklaruar se lëvizja e tij drejt Manchester United nuk është e motivuar nga paratë. Në një ceremoni lamtumire me mjaft emocione, braziliani deklaroi se do t’i bashkohet klubit më të madh në botë, pas 9 vitesh të suksesshme me Real Madrid. United do t’i paguajë Real Madrid 70 milonë paundë për kartonin e mesfushorit, teksa Casemiro do të firmosë për 4 vite me “Djajtë e Kuq”. Lojtari u shpreh në konferencën për shtyp:
“Nëse do të ishte për para do të isha larguar para 4 ose 5 viteve. Personat që mendojnë këtë gjë e kanë gabim, nuk më njohin fare. Klubi më ka trajtuar gjithmonë shumë mirë. Ky është vendimi im, rruga ime.”
Casemiro iu bashkua Real Madrid nga skuadra e Sao Paulo në vitin 2013, dhe ndihmoi skuadrën të fitojë 5 herë Champions League-ën, dhe 3 herë La Liga-n. Përveç këtyre, ai fitoi dhe Copa del Rey gjatë aventurës së tij në Spanjë. Braziliani shtoi:
“Pas finales së Champions League fola me agjentin tim, pasi kisha një ndjesi se ciklimi im këtu kishte ardhur drejt fundit. Ishte vendimi më i vështirë i jetës time, por jam i emocionuar për atë që më pret në vazhdim.
Dua të përballem me sfida të reja, të njihem me një gjuhë tjetër, me një vend dhe kulturë tjetër. Po i bashkohem klubit më të madh në botë, që mund të konkurrojë me madhështinë e Real Madrid, edhe pse tani nuk duket kështu.”
Casemiro
Casemiro gjithashtu komentoi mbi situatën e Cristiano Ronaldo tek United. Braziliani komentoi:
“Nuk kam folur me Cristiano, shpresoj që ai të qëndrojë në klub pasi është një nga lojtarët më të mirë të të gjitha kohërave.
Çdo gjë që bëra këtu (në Madrid), dua ta bëj dhe atje. Dua të fitoj kampionatin në Angli…”
Casemiro