Trajneri i Manchester United, Erik ten Hag, ka komentuar humbjen e rëndë që “Djajtë e Kuq” pësuan nga Brentford, në javën e dytë të Premier League. United u mposht 4-0 duke pësuar të gjithë golat në 35 minutat e para të lojës, një shfaqje absolutisht e papranueshme për standartin e klubit. Tekniku hollandez dha përshtypjet e tij në fund të takimit, duke lënë të kuptohet se ekipi ka nevojë për ndryshime të thella:
“Duhet të tregojmë standart më të lartë nga ai që dëshmuam sot. Ne jemi si ekip në një proces të vështirë. Prisnim një start ndryshe dhe jo këtë. Na duhen lojtarë të rinj. Na duhen lojtarë me kualitet. Po punojmë mbi këtë gjë dhe do të bëjmë gjithçka është e mundur për t’i bindur që të vijnë.”
Manchester United është përfshirë në një process të gjatë rekrutimi për lojtarë të rinj, teksa klubi kërkon të rikthehet përsëri mes ekpeve ekipeve elitare të Premier League, dhe të lërë pas paraqitjet negative.
Ten Hag shtoi:
“Skuadra duhet të mbajë përgjegjësi. Më vjen shumë keq për fansat, ata bënë gjithçka që të na mbështesnin dhe ne i lamë në baltë. Në fushë duhet të mbash përgjegjësi si individ por dhe si ekip, dhe kjo është ajo që nuk e bëmë. Ajo që u kërkova atyre të bëjnë është të luajnë me besim dhe përgjegjësi për performancën. Duhet të punojmë për këtë gjë. Trajneri gjithashtu ka përgjegjësi. Ai ka përgjegjësinë kryesore dhe do të punoj për këtë gjë.”
United ka humbur tashmë 4 përballje rresht në Premier League, duke përfshirë këtu dhe fundin e sezonit që lamë pas. Në trasnfertë, “Djajtë e Kuq” nuk kanë siguruar asnjë fitore prej 7 takimesh, teksa ndodhen në vendin e fundit në renditjen e kampionatit.