Inter Milan ka arritur një fitore mjaft të rëndësishme në shifrat 3-2 ndaj Atalantës, në Serie A. Të besuarit e Simone Inzaghi treguan karakter në Gewiss Stadium, teksa arritën të përmbysin rezultatin fillestar, duke marrë në fund 3 pikët.
Ishte Ademola Lookman ai që hapi serinë e golave në minutën e 25’, duke kaluar në avantazh të zotët e shtëpisë nga pika e bardhë e penalltisë. Ky ishte goli i shtatë i lojtarit për këtë sezon në Serie A. Megjithatë, veterani Edin Dzeko u sigurua që të vendoste baraspeshën përpara mbylljes së pjesës së parë, me një goditje të zgjuar.
Në pjesën e dytë ishte përsëri Dzeko që pas vetëm 10 minutash shënoi golin e dytë, duke kaluar për herë të parë në avantazh Inter. Në minutën e 61’ të takimit Inter shënoi dhe golin e tretë, kësaj rradhe një autogol nga Palomino. Ky i fundit shleu gabimin e tij në minutën e 77’ kur arriti të shënojë golin e dytë për Atalantën. Gjithsesi, rezultati mbeti i pandryshuar deri në fund të takimit, dhe Inter u largua me 3 pikë të plota.
Ndërkohë nga ana tjetër, Roma nuk shkoi më shumë se barazimi 1-1 përballë Torino, në një ndeshje plot emocione në Stadio Olimpico. Karol Linetty kaloi në avantazh miqtë në minutën e 55’ të takimit, dhe goli i barazimit për Romën do të vinte vetëm në minutën e 94’, me autor Nemanja Matic.
Përpara këtij goli, trajneri Jose Mourinho u ndëshkua me karton të kuq për reagimin e tij ndaj vendimeve të gjyqtarit. Ky i fundit i akordoi një penallti Torinos në minutën e 89’, por për fatin e tij të keq, Andrea Belotti nuk u tregua i saktë nga pika e bardhë, duke i kushtuar kështu 3 pikët ekipit të tij.