Trajneri i Chelsea, Thomas Tuchel ka dhënë një paralajmërim të fortë për lojtarët e tij. Gjermani ka thënë se nuk i intereson nëse prish ëndrrat e lojtarëve të tij, për të luajtur në Euro 2020. Trajneri i Bluve të Londrës është shprehur specifikisht se zgjedhjet e tij bëhen “për të fituar ndeshje me Chelsea”.
Tuchel ka lënë të nënkuptohet se nuk mund të marrë në konsideratë preferencat e lojtarëve të tij, për të qënë aktivë me kombëtaret e tyre për Euro 2020. Chelsea ndërkohë ka 4 lojtarë të cilët luftojnë për të qënë pjesë e kombëtares angleze në Europianin e ardhshëm. Ata janë: Abraham, Mason Mount, Ben Chilwell dhe Reece James. Ndërkohë trajneri gjerman u shpreh qartë se do të ndërmarrë vetëm vendime në të mirë të Chelsea.
Specifikisht Tuchel është shprehur:
“Unë e di mirë se lojtarët kanë interesat e tyre personale dhe kjo është okay. Shpresoj që ata të luftojnë për këto interesa dhe të japin më të mirën e tyre. Në punën time si menaxher i Chelsea nuk mund të influencohem nga vendime që kanë impaktin e tyre mbi kombëtare të caktuara, apo të ardhmen e një lojtari me përfaqësuesen e tij.”
Trajneri më tej sqaroi:
“Në qoftë se do tregohem i sinqertë dua që ata të luajnë këtu. Por e di që kjo me shumë mundësi nuk ka për të ndodhur.
Blutë e Londrës gjenden momentalisht në vendin e katërt në renditjen e Premier League. Ekipi ndodhet vetëm tre pikë sipër West Ham në renditje, me këta të fundit që kanë një ndeshje më shumë për të zhvilluar. Mbetet për t’u parë se cilët lojtarë do të aktivizohen nga ana e trajnerit Tuchel në pjesën e mbetur të sezonit, deri në startimin e kompeticionit prestigjoz europian.