Lojtari i talentuar i MLS-së, Ricardo Pepi, është linkuar së fundmi, me një transferim të mundshëm tek Manchester United ose Liverpool. Lajmi vjen pasi 18 vjeçari konfirmoi vendin e tij në kombëtaren e USA, një tjetër provë e talentit të tij. Por tani, Atlético Madrid ka shprehur gjithashtu interes për sulmuesin e FC Dallas.
18-vjeçari shpërtheu në skenë me FC Dallas në fillim të këtij viti, duke shënuar 13 gola në Major League Soccer këtë sezon, dhe tashmë është një titullar i padiskutueshëm me përfaqësuesen e USA. Pepi, i cili shihet në atdheun e tij, si numri 9 i USA për dekadën e ardhshme, është linkuar prej muajsh me United dhe Liverpool, dhe një numër agjentësh europianë e kanë parë lojtarin disa herë në veprim.
Prestigjozja CBS raporton se Atletico Madrid ka treguar një interes për adoleshentin, ndërsa gjigandët gjermanë të Bayern Munich gjithashtu kanë aktivizuar agjentët e tyre. Kuptohet se tani, dy rivalët e Premier League përballen me një betejë edhe më të madhe transferimi, për një nga lojtarët më të kërkuar të MLS. Dallas thuhet se kërkon rreth 7.5 milionë paundë për kartonin e yllit të tyre të ri, plus shtesa të mundshme promocionale.
Ndërkohë vet lojtari nuk e ka përjashtuar mundësinë e transferimit në Europë, madje ai është shprehur pozitiv për këtë skenar. Ricardo tha:
“Do të ishte mirë edhe për familjen time, edhe për mua, që të luaja në Europë. Mendoj se tani është koha për ta bërë këtë gjë. Ne kemi ende 6 apo 7 ndeshje për të luajtur me FC Dallas. Dhe nëse më jepet shansi për të shkuar në Europë, do të ishte mirë.”
Ndërsa për klubin e tij të preferuar lojtari komentoi:
“Sigurisht, Eredivisie është një kompeticion ku luajnë shumë lojtarë të rinj. Unë jam ende i ri dhe kam shumë për të mësuar. Do të doja të luaja për Real Madrid një ditë, ose Chelsea, ose për një tjetër klub të madh.”