Sipas raportimeve më të fundit të 90min, raundi i fundit i bisedimeve mes Ousmane Dembele dhe Barcelonës, për një rinovim të mundshëm kontrate ka dështuar. Kjo do të thotë se sulmuesi francez është i lirë të diskutojë me klube të tjera gjatë merkatos së janarit.
Dembele po i afrohet 6 muajve të fundit të kontratës së tij aktuale me klubin katalanas. Megjithëse përfaqësues të klubit, kanë bërë disa herë me dije se futbollisti dëshiron të qëndrojë me Barcelonën, Dembele duket se i ka shtyrë gjithnjë në krahun e kundërt negociatat.
Sipas gazetarit, Gerard Romero, klubi spanjoll pati shpresuar se do të merrte një përgjigje nga lojtari para janarit, dhe e ka marrë atë, por nuk ka qënë ajo që Barcelona ka dashur. AS shkruan se Dembele dhe agjenti i tij janë të frustruar me dëshirën e drejtuesëve katalanas, për t’i prerë rrogën sulmuesit.
Por në të vërtetë, Dembele nuk është i kënaqur me trajtimin e padrejtë që i është bërë atij, në krahasim me nënshkrimin e ri të katalanasve, Ferran Torres. Barcelona pagoi plot 55 milionë euro për sulmuesin e Manchester City, dhe në të njejtën kohë, Torres do të ketë një rrogë relativisht të lartë krahasuar me lojtarët e tjerë.
24 vjeçari është bindur nga agjenti i tij, se klubi spanjoll i ka financat e duhura për një kontratë më të mirë. Gjithashtu, ka një sërë ekipesh europiane në rradhë, që janë të gatshme për të paguar shifra shumë të larta për kartonin e lojtarit. Liverpool dhe Manchester United shpesh herë janë linkuar me futbollistin, ndërsa Bayern Munich gjithashtu po monitoron situatën.
Gjermanët kërkojnë një sulmues në rast se francezi Kingsley Coman vendos të lërë klubin. Bisedimet për rinovim kontrate me këtë të fundit kanë qënë gjithashtu të vështira.