Kampionati spanjoll, java e 11-të

kampionati spanjoll

Kampionati spanjoll dhe ndeshjet e rekomanduara për skedinën tuaj të rradhës

ALAVES vs ATLETICO

Alaves ndodhet vetëm 2 pikë nga zona e rënies nga kampionati spanjoll pas 3 fitoreve, 2 barazimeve dhe 5 humbjeve. Javën e fundit u mposhtën 4-1 në transfertë nga Villareal dhe këtë javë do ta kenë mjaft të vështirë të dalin me pikë ndaj një kundërshtari si Atletico Madrid.

Atletico u rikthye tek fitorja ndaj Bilbao pas 3 ndeshjesh të përfunduara në barazim dhe këte javë të La Liga do të kërkojnë të nisin një seri fitoresh. Kampionati spanjoll është mjaft i ngjeshur në krye të renditjes dhe Atletico ndodhet vetëm 2 pikë nga vend i parë që mbahet momentalisht nga Granada. Atletico do të përpiqet në javët në vazhdim të konsolidojë pozicionin  në renditje në mënyrë që El Clasico e prapambetur e dhjetorit të ketë sa më pak ndikim në renditjen e tyre.

  • Rezultatet e 5 ndeshjeve të fundit mes skuadrave:
  • Alaves: 0
  • Barazim: 1
  • Atletico Madrid: 4

Alaves është një skuadër modeste përballë të cilës Atletico është padyshim favorit. Vendasit do të përpiqen të mbrohen mirë për të shfrytëzuar mungesën e golave të Atletico në këtë fillim sezoni. Megjithatë pritshmëritë janë që ata do të thyhen dhe një fitore e ngushtë e Atletico duket më e mundshme.

BARCELONA vs VALLADOLID

Pas pushimit në fundjavë të shkaktuar nga shtyrja e El Clasico, Barcelona do të rikthehet të luajë në Camp Nou përballë Valladolid. Katalanasit ndodhen momentalisht në vendin e 2-të, 1 pikë pas Granada, por me 1 ndeshje më pak. Përballë Eibar ata bënë një paraqitje impresive ku vlen të përmendet loja e mirë e treshes së sulmit Griezmann, Messi, Suarez të cilët arritën të tre të shënonin.

Valladolid me shumë mundësi do të mbyllet pranë zonës së saj në përpjekje për të mos pësuar dhe një motiv për të pasur besim është fakti që kanë shmangur humbjen ndaj Real Madrid dhe Atletico. Valladolid pozicionohet në vendin e 8-të dhe mund të jenë të kënaqur me paraqitjet e deritanishme nga të cilat kanë arritur të grumbullojnë 14 pikë.

  • Rezultatet e 5 ndeshjeve të fundit mes skuadrave:
  • Barcelona: 4
  • Barazim: 0
  • Valladolid: 1

Gjithcka në këtë ndeshje flet në favor të katalanasve. Efikasiteti në mbrojtje i Valladolid u ka mundësuar atyre të barazojnë 5 nga 10 ndeshje deri tani dhe padyshim që do të ishin të kënaqur më të njëjtin rezultat edhe në këtë ndeshje. Megjithatë pritet që të jetë Barcelona që në fund do të marrë 3 pikët.

Lexo gjithashtu: Kampionati Italian, Java e 10-të

REAL SOCIEDAD vs LEVANTE

Kampionati spanjoll i kesaj jave vazhdon me Sociedad.

Sociedad arriti një tjetër fitore javën e shkuar duke konfirmuar momentin e mirë. Baskët shpresojnë për një kualifikim në Champions League sezonin e ardhshem. Për ta arritur këtë objektiv nuk mjafton vetëm loja e mirë por do tu duhet të krijojnë një vazhdimësi rezultatesh dhe përballja me Levanten mund të jetë një mundësi e mirë për të qëndruar në 3 vendet e para dhe për ta cuar në 3 numrin e fitoreve rradhazi.

Levante vjen nga 3 ndeshje pa fitore ku ka marrë 2 humbje dhe 1 barazim. Larg fushës së tyre ata kanë marrë të marrin vetëm 3 pikë nga 15 të mundshme këtë sezon, por distanca me vetëm 2 pikë me zonën e rënies do të shërbejë si motivim për të mos dalë pa pikë nga kjo transfertë.

  • Rezultatet e 5 ndeshjeve të fundit mes skuadrave:
  • Real Sociedad: 2
  • Barazim: 2
  • Levante: 1

Sociedad do të kërkojë të ruajë pozicionin e saj dhe të vazhdojë momentin e mirë. Levante nuk duket se ka kualitetetin e duhur për ti ndalur prandaj mund te themi se baskët me shumë mundësi do të dalin fitues në këtë përballje.

VALENCIA vs SEVILLA

Cdo fillim sezoni këto dy ekipe janë pretendentet kryesore për të marrë vendin e 4-t në kampionatin spanjoll pas Barcelona, Real Madrid dhe Atletico, një pozicion që garanton pjesëmarrjen në Champions league. Megjithatë këtë fillim sezoni situatat janë të ndryshme. Valencia ndohet në vendin e 12 me 13 pikë dhe ka 2 ndeshje rradhazi pa fitore.

Në krahun tjetërsevilla ndodhet në vendin e 5-të me 19 pikë dhe ka marrë 2 fitore në 2 ndeshjet e fundit. Lopetegui duket se i ka implementar mjaft shpejtë idetë e tij tek skuadra e re dhe Sevilla po luan një futboll të bazuar në qarkullimin e topit.  Fillimi i sezonit ka qenë i mirë, por kjo përballje me një kundërshtar që ka objektiva të njëjta mund të jetë një test i rëndësishëm për ecurinë e tyre në kampionatin spanjoll.

  • Rezultatet e 5 ndeshjeve të fundit mes skuadrave:
  • Valencia: 3
  • Barazim: 2
  • Sevilla: 0

Valencia ka statistika mjaft të mira në ndeshjet e fundit ndaj Sevilla, por forma e tyre momentalisht sështë ende ajo e duhura. Sevilla ka marrë rezultate të mira, por skuadra e Lopetegui ka treguar shpesh gjatë sezonit se ka vështirësi të shënojë nëse kundërshtari lë pak hapësira në 30 metrat e fundit. Duke pasur parsysh këto të dhëna kjo ndeshje mund të përfundojë në barazim. 

REAL MADRID vs LEGANES

Madrilenët humbën kreun pas humbjes ndaj Mallorca dhe nuk luajtën në fundjavë për shkak të shtyrjes së El Clasico. Momentalist ndodhen në vendin e 6-të me 18 pikë, por janë vetëm 2 pikë nga kreu me një ndeshje më pak. Pavarësisht se diferenca e vendin e parë është e ngushtë, situata është shqetësuese tek madrilenët. Ekipi i Zidane ende nuk ka gjetur një identitet loje dhe përvec kësaj, dëmtimet do të vazhdojnë të jenë problem edhe në këtë ndeshje. Bale, Lucas Vazquez, Modric dhe Nacho vazhdojnë të jenë të dëmtuar së bashku me Asensio që ka një dëmtim afatgjatë.

Leganes ndodhet në vendin e fundit dhe është një kundërshtar më tepër se modest, por kohët e fundit të gjitha ekipet shkojnë në Bernabeu dhe luajnë duke u mbrojtur mirë dhe duke kundërsulmuar, me idwnë se nëse e realizojnë si duhet këtë plan, mund të dalin me pikë ndaj këtij Reali të pasigurt.

  • Rezultatet e 5 ndeshjeve të fundit mes skuadrave:
  • Real Madrid:3
  • Barazim: 1
  • Leganes: 1

Ekipi i Zidane është favorit absolut për fitimin e kësaj ndeshje, në fund të fundit bëhet fjalë për vendin e 20-të të kampionatit spanjoll. Yjet e skuadrës ndoshta do të përpiqen të rëalizojnë një goleadë për të mbartur një moral të mirë në ndeshjet e ardhshme. Real Madrid duhet të jetë konkurrent në cdo kompeticion që luan, por në kushtet aktuale kampionati spanjoll është objektivi më realistik dhe si rrjedhojë duhet të jetë primar për ta prandaj fitorja ndaj Leganes është detyrim.

Tagged with:

One Response to “Kampionati spanjoll, java e 11-të”

Leave a Comment

Mr. Play Sports paguan fitimet në kohë rekord, ofron 100% BONUS deri në 100EURMerr ofertën!!!